作者：巴士

 
聽飛鳥講，一年多前西門慶都尚算正常，當時佢兩個都唔識打中文，西門慶仲拎住本「興興奮奮學倉頡」書一齊學習。
一年多之後，雖然飛鳥未算話打得好快，但總叫做識打，基本打得出嚟，合格咁啦。但西門慶似乎同當時無乜分別，好似斷層咁，等於無學過，所以到今時今日都唔與時並進打中文訊息俾同事。Ｄ同事見到成堆雞腸既訊息一定知係西門慶俾的，但係西門慶的英文又唔係真係咁好，聽聞Ｄ同事回應大多係反面，例如係ＰＫ西門慶又俾埋晒Ｄ ＰＫ訊息，都唔知寫乜春咁。
為左唔想俾人知佢唔識打中文呢個事實，西門慶參考外國恐佈份子恐嚇勒索手段，將報紙雜誌的字剪落黎砌成一封勒索信的方法改良……將我地每日打的工作報告，偷偷copy & paste我地Ｄ中文字，將佢砌成一句句子，有時為左打一個短訊，要開好鬼多個視窗，如是者每日部電腦都開左九十幾個視窗。結果俾阿添發現後，問佢點解開咁多個視窗呀？西門慶即刻回覆話：「唔係我開架！唔關我事」迅速扮傻離開。
古墓裡面，只有佢一個唔識打中文，唔認都無用，係人都知道係你啦！ＰＫ！